Saamaynta Bulsheed ee Technology-da

Tiknologiyadu waxaa la sheegaa Casrigaan lajoogo waxay noqotay nolosha bini’aadamka qayb muhiima oo ka mida. Waa wax faa’iido iyo khasaaraba lagu qabo, waa seef laba afleh oo dhankasta (samaan iyo xumaan) loo adeegsankaro, Technology-da marka dhinaca wanagsan laga eego waxay qayb ka tahay horumarka dhinaca dhaqaalaha, waxbarashada, maamulka dowliga ah iyo mida hay’adaha gaarka ah.

Inkastoo bulshada siyaabo kala duwan u adeegsadaan Technology-da cida ugu nugul ee la oran karo dhibaato wayn ayay ku haysaa waa dhanka jiilka cusub ama dhalinyarada.

Markaan u nimaadno waxa loo yaqaan (Barkulanada Bulshada) oo ah qayb ka mida Tiknololgiyada ayaa saamayn balaaran ku yeeshay dadyowga dunidan ku nool oo ay Soomaalidu kamidtahay ,sida cinwaanka maqalka tilmaamayabo waxaan ku eegi doonaa saamaynta iyo isbadalka bulsheed ee technology-da ku yeelatay bulshada soomaaliyeed.

Saamaynta Caruurta

Waagii hore caruurta waxa lagu barbaari jiray dhaqanka waxa looga sheekayn jiray dhaqamadi hore iyo sheekooyinki hore ee dhaqanka soomaalida waxaa la bari jiray xiriirinta qaraabada iyo waalidka arintaaas waxay qayb ka qaadan jirtay caruurtu inay noqdaan kuwa fahma dhaqanka iyo diintaba taas oo waalidka la socon jireen wax kasta oo caruurta maskaxdooda galaayo oo uga imaan jiray waalidka iyo waxbarashada, Saamaynta uu tiknolojiga ku yeeshay caruurt waxaa laga dareemi karaa, caruurta waxay hadda fiirsadaan telefishin, waxayna la socdaan barnaamijyo iyo aflaan ay xiiseenayaan. Marki uu dhamaado filinkaas waxaa mid walba uu ku mashquulayaa taleefanadooda oo ay internet galaan ama waxa loo yaqan baraha bulshada.

Saamynta Qoyska

Qoysaska soomaaliyeed waxay ahaayeen kuwa markay kasoo noqdaan kasabka iyo tacliinta ay udareereen aroorti hore kuwada shaaha guriga kuna wada sheekaysta wada casheeyaan si wada jir ah,  kana sheekaysta hadba maalinkaas qof walbo iyo wuxu kala soo kulmo maalintaas iyo mustaqbalka reerka,  lkin noloshaa manta ee ku xirirta technology-da waxay badashay dhaqankaas waxaad arkaysa reer dhan oo wada fadhiyo fadhiga, oo mid kasta ku mashquulsanyahay taleefanka/laptopka mid kastana uu laga yaabo inuu la haysto qof kumanaan KM ujira oo  qof kastana gooni uqoslaayo oo ayba la tahay qofkaas qaarada kale joogo inuu si toos ah ula haysto oo markaad aragto aad is leedahay malaha qoyska waa qoys wada waalan. Waxaa meesha ka baxay sheekadii la wadaagi jiray, waxayna ka doorbideen la sheekaysiga dadyow qalaad oo lagu bartay interntka ama saxiib meel fog joogo.

Saamaynta xiriirka lamaanaha

Ninka iyo xaaskiisa waxay ahaan jireen marki guriga la joogo dad waqti badan isku helo. In badan sheekeesto, ka sheekeesto arimo badan, arimaha qoyska, arimaha caruurta (Hadey leeyihiin caruur). Sida ay inoo saameesay technology-da adeegsigeeda, waxaa dhexda ka baxay wax badan oo ka dhexeen jiray labada lamaane oo is qabo. Baarintaan la sameeyay ka dib; waxaa la ogaaday in inka badan waqtiga ay wada qaataan labada lamaane, ay ku dhumiyaan isticmaalka/adeegsiga tiknolojiga. Haweenka waxay la socdaan aflaan musal-sal ah, raguna waxay ku mashquulsanyihiin ka jawaabid email, ama inuu la sheekeesto asxaabtiisa facebook-ga. Mar-marka qaar waxaa dhacdo in ninka uu la shekeesto (chatting) asxaab meelo fog-fog jirto xaskiisa oo la fadhido, taasna uunan u arag wax dhib ah, ama ay gabadhu iyada saas samayso. Taas oo dhaliso inta badan kalsooni daro iyo xushmad la’aan ka dhex dhalata labada lameene.

Sheekooyinka dhanka lamaanaha saamaynta uu ku yeeshay waxaa kamid ah in ninka iyo xaaskiisa ay labaduba ku mashquulaan baraha bulshada ayago wada joga sariirta oo midbo iskiis u mashquulsanyahay waxaad maqalysa dadka qaar oo dhahaayo xalay saxibtey ayado qadka ku jirtaan ka seexday mar dhexe oo soo baraarugay waxay ku mashquulsanaynd baraha bulshada taas oo laga yaabo inay samayn xaga burburka qoyska keento oo midba midka kale ka maseero taana sababto burburka qoyska.

Dhamaad

W/Q:Sayidcumar C/llaahi Cumar

Email:Sayidcumar100@gmail.com