Akhristaha manta waa hogaamiyaha berito

Waxaan soo gudbinaya oon jeclahay inaan qormada kooban uga hadlo muhiimada wax aqriska leeyahay, diinta islaamka waxay muhiimad wayn siisay wax aqriska Aayadi ugu horaysay ee ilahay kuso dajiyo Nabigena muxamed(NNKH) waxaa lagu amrayay in uu wax aqriyo ilaahey subxanu watacaala wuxu leeyahay “Akhri ” adigoo kaashanaya magaca rabigaa ku abuuray waxaa sidoo kale suurada lagu sheegay mid kamid ah aaladaha loo adeegsado  aqoonta iyo tacliinta kaasoo ah “Qalinka” .

Muhiimada wax aqriska

Aqriska waa cunada, kobcinta, kor uqaadida, qiimaynta maskaxda  sida jirku ugu baahan cunto iyo cabid ayay maskaxdu ubaahantahay aqris, wax aqrisku waxa uu ku geeyaa dhul aadan addin ku gaarteen iyo taariikho aadan noolayn waxa uu kuu suura galiya inaad la kulanto caqliyo aadan marnabo jaanis uhesheen inaad kulantaan kitaab wanaagsan ee aad aqrisa waxay ka dhigantahay caqliya wanagsan oo si fudud ku hesha inaad la sheekaysato .

akhrisku waxa uu qofka aadamaha ah siiya isku dheeli tirnaan xaga aqoonta ah , waxaanu qofka hantisiiyaa garaad iyo garasho badan, oo uu kaga duwanyahay dadka aan waxba akhriyin .

Akhrisku waxa uu siiya qofka labaatan jirka ah caqliga 40 jirka sababtuna waxay tahay qofka oo kulansaday aqoon , dhaqan, iyo waayo aragnimo farabadan isaga oo adeegsanaya akhriska kuttubta kala duwan ee uu laga qoray dhinacyada kala duwan ee nolosha.

Waxa la waydiiyey Imam bukhari dawada xifdiga wuxuu yidhi : waa Indhaha oo lagu badiyo akhriska.

Dadka soomaaliyeed sida la sheego waa dad hadal oo akhirska ku yaryahay waxay ahaayeen dad hadal iyo howraar isugu gudbiyo fariimaha kana dhigan jiray isgaarsiin waxay ahaayeen dad ka fog aqriska iyo qoraalka taa badalkeeda wuxuu ilaahey hibo usiiyay hal abuurka sidoo kale waxaa ku yar wadankeena goobaha wax aqriska waxaa sanad walibo walibo wadankeena la daah furaa boqolaal goobood oo gancsi halka goobaha wax aqriska ka yihiin zero ama eber .

Hadabo waxaa muhiim ah in wax la aqriyo si loo hormaro aduunyada waxa lagu kala hormary aqriska iyo qoraalka sida darteed ayaa waxaa la yiraahda “waxaynu nahay waa waxaynu aqrinay” lama dhihin waxaynu nahay waa waxaynu dhagaysanay, waxaa hubaal ah in hadi aan soo saarno jiilal wax aqriska jecel aynu gacanta ugalinay furaha aqoonta iyo horumarka taasoo ah waxay  dunida isku dhaaftay maanta.

Cilmi baarisyo laga sameeyay dadka ugu caqliga iyo aqoonta badna dunidan guudkeeda saranahay soo mara ayaa waxaa lagu ogaday in hal shey ka sinaayeen oo ay ahaayeen dad wax aqriska joogteeya .

W/Q: Sayidcumar C/llahi Cumar

Email: sayidcumar100@gmail.com